ના. LICના વીમા એજન્ટને નિશ્ચિત પગાર મળતો નથી. પરંતુ તેમને તેઓ જે પોલિસીનું વેચાણ કરે તે અનુસાર કમિશન મળે છે. વીમા પોલિસીના પ્રકાર અનુસાર તેને માટે ભરવામાં આવતા પ્રીમિયમના ૨૫ થી ૩૫ ટકા જેટલું કમિશન પહેલાં વર્ષે મળે છે. ત્યાર પછી બીજા અને ત્રીજા વર્ષે પ્રીમિયમના ૭.૫ ટકા કમિશન અને ત્યાર પછી છેક વીમાની મેચ્યુરિટી સુધી ભરાતા પ્રીમિયમના પાંચ ટકા કમિશન મળતું રહે છે.

વીમા એજન્ટ તરીકે કમાણીની કોઈ મર્યાદા નથી. તમે જેટલા વધુ પ્રમાણમાં વીમા પોલિસીઓનું વેચાણ કરી શકો એટલી તમારી આવક વધી શકે છે.

ના અને હા ! એક તરફ, વીમા એજન્ટ તરીકે તમારા કામકાજના કોઈ નિશ્ચિત કલાકો હોતા નથી. તમે ઇચ્છો, તમારી અનુકૂળતા મુજબ આ કામ કરી શકો છો. ઘણા લોકો તેમની અન્ય નોકરી કે વ્યવસાય સાથે પણ વીમા એજન્ટ તરીકે કામ કરતા હોય છે. બીજી તરફ, જો તમે ફુલ ટાઇમ આ જ કામ કરો તો વધુ પ્રમાણમાં વીમા પોલિસીનું વેચાણ કરી શકો અને તો તમને વધુ આવક થઈ શકે.

માત્ર દસમું ધોરણ પાસ વ્યક્તિ પણ વીમા એજન્ટ બની શકે છે. તમે LIC કંપનીનાં ધોરણો અનુસાર યોગ્ય હો તો તમે પણ વીમા એજન્ટ બની શકો છો.

તમે LICના ડેવલપમેન્ટ ઓફિસરને અરજી કરો, તમારા બધા દસ્તાવેજો સુપ્રત કરો અને જરૂરી ફી ભરો તે પછી તમે વીમા એજન્ટ બનવા માટેની પરીક્ષા આપી શકો છો. પરીક્ષામાં પાસ થયા પછી તમે વીમા એજન્ટ તરીકે કામ કરી શકો છો. આ આખી પ્રક્રિયા સામાન્ય રીતે બે અઠવાડિયામાં પૂરી થઈ જતી હોય છે.

હા. LICના ડેવલપમેન્ટ ઓફિસર વીમા પોલિસી વેચવા માટે તમને પૂરેપૂરી ટ્રેનિંગ આપે છે. તમને વેચાણનો અગાઉનો અનુભવ ન હોય તો પણ LICની શ્રેષ્ઠ ટ્રેનિંગ સિસ્ટમથી પૂરા વિશ્વાસ સાથે વીમા પોલિસીનું વેચાણ કરી શકો છો. લોકો સાથેના તમારા સંપર્ક દરમિયાન તમે જ્યારે ઇચ્છો ત્યારે ડેવલપમેન્ટ ઓફિસરનું માર્ગદર્શન મેળવી શકો છો.

પોલિસીનું વેચાણ થયાના પંદર દિવસ પછી તમને તેનું કમિશન મળી જાય છે. કમિશન સીધું જ તમારા બેંક ખાતામાં જમા થાય છે.