LIC કંપની આખા ભારતમાં અત્યંત વિશાળ ગ્રાહક વર્ગ ધરાવે છે. કંપની તેના સ્ટાફ દ્વારા તમામ લોકોનો સીધો સંપર્ક કરી શકે નહીં વીમા એજન્ટ કંપની અને લોકો વચ્ચેની કડી બને છે.

વીમા એજન્ટ લોકોને મળીને તેમની જરૂરિયાત સમજી શકે છે અને એ મુજબ તેમને પ્લાન ઓફર કરી શકે છે. વીમા એજન્ટ લોકોને મળીને તેમને મૂંઝવતા સવાલોના જવાબ આપી શકે છે. 

વીમા એજન્ટ પોતાના ગ્રાહકોના સીધા સંપર્કમાં હોવાથી તેમની સાથે વિશ્વાસનો સંબંધ કેળવી શકે છે. આ રીતે કંપનીના સંપર્કો વધવાથી તેને વધુ લોકો તરફથી બિઝનેસ મળે છે.

વીમા એજન્ટ LIC કંપનીની પોલિસીઓનું વેચાણ વધારવામાં બહુ મોટો ભાગ ભજવે છે. તેઓ વીમાની જરૂરિયાત ધરાવતા લોકોને શોધે છે અને તેમને LIC સાથે જોડે છે.